TotiCyte –
револуција во обработка на крв од папочна врвца
TotiCyte го трансформира задржувањето на клетките и за време на обработка и криопрезервација на матични клетки, и е ексклузивен за Cells4Life.
Утврдено e, дека е систем за обработка на крв од папочна врвца со тестирани највисоки перформанси,со објавената рецензирана студија. TotiCyte испорачува 2,2 до 3 пати повеќе матични клетки во момент на третман во однос на другите водечки технологии моментално достапни во Велика Британија. *
Највисок процент на обновување на клетките со TotiCyte
TotiCyte испорачува два до три пати повеќе одржливи клетки во момент на третман*
99% од црвените крвни зрнца се отстрануваат
TotiCyte отстранува повеќе црвени крвни зрнца
Никој не знае дали и кога ќе бидат потребни матичните клетки од папочната врвца на вашето бебе. Без разлика дали се работи за спасувачка терапија или едноставно за олеснување на процесот на стареење, во текот на животот, може да има бројни прилики кога тие би биле потребни.
Два клучни фактори влијаат на терапијата со матични клетки, достапноста на доволен број на одржливи клетки и вистинскиот тип на клетки.
Матичните клетки од папочна врвца се веројатно најмоќните што некогаш ќе ги имаме, но бројот што може да се собере од папочната врвца е ограничен со количината на достапна крв.
Токму затоа, од клучно значење е обработката да задржи што е можно повеќе скапоцени матични клетки на вашето бебе.
Бројот на клетки е важен
TotiCyte испорачува повеќе клетки кога тие ви се потребни
TotiCyte е развиен за да го максимизира бројот на клетки и пред замрзнување, а особено по одмрзнување, бидејќи тоа е бројот на матични клетки кои што ќе бидат достапни во моментот на лекување. По објавената, рецензирана студија, беше откриено дека TotiCyte обезбедува помеѓу 2,2 и 3 пати повеќе матични клетки во моментот на лекување во однос на другите водечки системи во индустријата моментално достапни во Велика Британија.
Критички, ова значи дека користењето на TotiCyte гарантира дека примерокот на вашето бебе може да биде корисен во текот на целиот негов живот, не само во детството, па дури и може да се користи за повеќе терапии.
Вашето дете може да биде дел од првата генерација што ќе доживее над 100 години.
Повеќекратни третмани – кој знае колку пати ќе се користат терапии во регенеративна медицина? Секоја терапија можеби ќе треба да искористи одредена количина или сите матични клетки на вашето бебе. Јасно е дека колку повеќе клетки се складираат, толку повеќе третмани може да се направат. Дополнително, со очекуваниот развој на технологии за експанзија на бројот на клетки, од клучно значење ќе биде да има повеќе примероци достапни за индивидуална употреба.
Терапии и телесна тежина – за многу терапии, бројот на потребни клетки е поврзан со телесната тежина – како што вашето дете ќе порасне во возрасен, ќе му бидат потребни повеќе матични клетки за истиот третман.
Што значи обновување на клетките?
Може да видите користени два различни типа на дефиниција за обновување на клетките:
Обновување пред замрзнување – број на одржливи клетки кои се пронајдени откако крвта од папочна врвца е обработена, но пред да биде криопрезервирана.
Обновување по одмрзнување – бројот на одржливи клетки пронајдени откако крвта од папочна врвца е одмрзната и е подготвена за терапија. Клучна точка: всушност е важен само бројот на одржливи клетки, мртвите клетки не се корисни во регенеративната медицина.
Одржливо обновување на клетките
TotiCyte беше предмет на опширно тестирање во споредба со други системи за обработка на крв од папочна врвца кои моментално се достапни во Велика Британија, Европа и САД, и беше откриено дека функционира помеѓу 2,2 и 3 пати подобро за одржливо обновување на CD34+ (матични клетки) во момент на третман. Овие експерименти се детализирани во објавен, рецензиран труд, чии резултати се сумирани подолу.
Студијата го спореди релативното одржливо обновување на CD34+ (матични клетки) од примероци од крв од папочна врвца обработени со помош на TotiCyte (CellsPlus), AXP, HES, MacroPress Smart и Sepax 2. Ова се главните системи кои моментално се достапни во Велика Британија, Европа и САД.
Како што можете да видите, сите методи обезбедуваат општо еквивалентно обновување на матичните клетки пред замрзнување.
Сепак, бројот што навистина е важен е пост-одмрзнувањето, бидејќи тоа е количината на матични клетки што ќе останат во примерокот на вашето бебе откако ќе бидат обработени, замрзнати за складирање и конечно подготвени за третман.
Пост-одмрзнувањето е исто така местото каде што ја гледаме најголемата разлика. По одмрзнувањето, студијата покажа дека TotiCyte задржува 66% од CD34+ клетките, во споредба со 42% за AXP, 41% за HES, 38% за MacroPress и 40% за Sepax 2.
За време на студијата, беше спроведена анализа на единицата за формирање на колонија. Ова е експеримент со златен стандард што се користи за тестирање на матични клетки пред третманот, бидејќи ви го покажува бројот на матични клетки кои што се одржливи, колку од нив ја задржале функционалната способност да растат и да се делат.
Кога се зема предвид бројот на остварливи матични клетки во одмрзнатите примероци кои ја задржале способноста да се однесуваат како функционални матични клетки со формирање на колонии, TotiCyte задржува 2,2 пати повеќе остварливи матични клетки од AXP и 3 пати повеќе матични клетки од MacroPress Smart.
Компатибилна крвна група
Доколку матичните клетки од папочната врвца на вашето бебе се користат сами за себе, тие ќе бидат идеални и на клеточно ниво и во однос на крвната група. Меѓутоа, ако тие се користат за лекување на друг член на семејството, тие ќе треба да се проверат за компатибилност.
Дури и за брат или сестра, каде што има 75% шанси да бидат компатибилни на клеточно ниво, сепак е можно нивните крвни групи да не се совпаѓаат. Во овој случај, примерокот можеби ќе треба да се „измие“ пред третманот за да се осигура дека не содржи премногу црвени крвни зрнца. Ова е за да се намали ризикот од потенцијално опасна по живот реакција по трансфузија. Негативната страна на процесот на измивање е тоа што многу матични клетки исто така се исфрлаат со вода, што потенцијално ги намалува шансите за успех во однос на возраста на пациентот кој што се третира.
TotiCyte ја подобрува компатибилноста на крвната група
TotiCyte отстранува повеќе од 99% црвени крвна зрнца од крв од папочна врвца, што значи дека е подготвен за третман, без разлика на крвната група на пациентот, и може да значи дека нема потреба од повторна обработка. Ова е уште еден начин на кој TotiCyte обезбедува максимален број матични клетки во момент на третман во однос на другите водечки системи во индустријата.*
Одложено сечење на папочна врвца – не влијае на процесот на земање на матични клетки, ниту на нивниот квалитет
TotiCyte подржува складирање на крв од папочна врвца со задоцнето и оптимално сечење на папочната врвца.
Доколку изберете одложено сечење на папочната врвца или особено оптимално сечење на папочната врвца, веројатно е дека ќе има помалку достапна крв за собирање на крв од папочна врвца. За повеќето методи на обработка, примерокот може едноставно да не е доволно голем за да се обработи, па дури и ако е доволно голем, бројот на клетки може да биде премногу низок за да биде терапевтски корисен.
TotiCyte може да обработи дури и 10-20 ml крв оставена во плацентата по долг период на одложено сечење на папочна врвца, и дава 3 пати повеќе клетки во моментот на лекување во однос на другите водечки системи во индустријата, што значи дека дури и многу мал примерок може да е еквивалентно на многу поголем примерок обработен со различен метод.*
Што е TotiCyte?
CE е означен и овластен за наша употреба од страна на Human Tissue Authority (HTA). TotiCyte е прецизна мешавина со ниска концентрација од два раствора што рутински се користи во терапија со крв. Тоа се DMSO и Декстран. DMSO и Декстран се присутни во секој обработен примерок од папочна врвца и се трансфузирани кај пациенти во илјадници третмани со крв од папочна врвца низ целиот свет.
Како функционира?
❶ TotiCyte предизвикува таложење на црвените крвни зрнца, оставајќи ги сите други типови клетки, вклучувајќи ги и матичните клетки, суспендирани во плазмата.
❷ Плазмата и матичните клетки се изразуваат во следната кеса за обработка, оставајќи 99% од црвените клетки зад себе.
❸ Плазмата и матичните клетки лесно се центрифугираат, што предизвикува да се формира слој (наречен ‘buffy coat’- кој содржи тромбоцити и леукоцити) од матични клетки на дното на плазмата.
❹ Вишокот на плазма се отстранува и останува примерок од 25 ml матични клетки, кој може да се подели на повеќе единици пред складирањето.
ДОЗНАЈТЕ ПОВЕЌЕ, ПОБАРАЈТЕ ГО ВАШИОТ ПАКЕТ ЗА ДОБРЕДОЈДЕ ДЕНЕС
Кои други техники се користат?
За да се одржи функционалноста на матичните клетки за идна терапија, сите јавни и приватни банки за крв од папочна врвца ја криопрезервираат крвта од папочната врвца на вашето бебе во течен азот. Ова ви дава сигурност без разлика дали матичните клетки на вашето бебе се потребни за 10, 50 или 100 години, тие ќе останат остварливи како и денот кога биле складирани.
Обработка – намалување на бројот на еритроцити
Сите технологии и техники се користат за обработка и подготовка на крв од папочна врвца. Целта на сите водечки техники е да се отстранат што е можно повеќе црвени крвни зрнца, тоа се нарекува намалување на количината на црвените крвни зрнца или намалување на волуменот.
Нормално, крвта од папочна врвца се центрифугира со голема брзина, што ја дели крвта на три компоненти: потешките црвени крвни зрнца на дното; многу тенок слој наречен buffy coat кој ги содржи матичните клетки и на врвот плазма, која содржи различни фактори, но нема клетки.
Buffy coat потоа се дели во кеса за криопрезервација, заедно со малку плазма и некои црвени крвни зрнца. Иако црвените крвни зрнца не се клучни во регенеративната медицина, важно е да се задржат сите матични клетки што се содржани во просторот помеѓу двата слоја. Слично, се зема и дел од плазмата.
Криопрезервација
Следната фаза е дводелен процес на замрзнување, контролирана брзина на замрзнување до -80℃ проследено со ставање во пареа фаза течен азот на -190℃.
Непосредно пред замрзнувањето со контролирана брзина, околу 10% DMSO ќе се додаде во крвта од папочната врвца за да се спречи пукање на клетките при замрзнување.
Крвта потоа ќе остане криопрезервирана додека не биде потребна за клеточна терапија.
Ограничувања на другите технологии
Сите технологии за намалување на волуменот ги губат матичните клетки. По одмрзнувањето, многу, ако не и повеќето, одржливите клетки ќе бидат изгубени. Овие загуби се во опсег од 70% – 90% од почетниот број на остварливи матични клетки. Ова може да го ограничи дали примерокот може да се користи за терапија или колку пати може да се користи.
Покрај тоа, сите водечки системи за намалување на волуменот задржуваат дури 35% црвени крвни зрнца, од кои многу ќе пукнат при замрзнување и ќе резултираат со клеточен отпад. Овој отпад може да се отстрани со миење, но тоа ќе доведе до губење на повеќе матични клетки. Овие црвени крвни зрнца исто така може да предизвикаат реакција на преосетливост доколку крвните групи не се компатибилни.
TotiCyte ги решава сите овие проблеми, обезбедувајќи повеќе матични клетки и помалку црвени крвни зрнца во однос на Cells, нашиот стандарден метод за обработка на крв од папочна врвца, подржан со технологија AXP.*
*врз основа на CyteTech’s peer reviewed publication која покажува дека TotiCyte испорачува 2,2 до 3 пати повеќе хематопоетски матични клетки во момент на употреба во однос на другите системи за обработка на крв од папочна врвца што се користат во Велика Британија.
Cells4Life Group LLP,
Units 2-3 Oak House, Woodlands Office Park,
Albert Drive, Burgess Hill, RH15 9TN, UK.
Med Bio Genetics
Pero Nakov 110, Skopje, Republic Macedonia
+389 70 221 602
info@cells4life.mk
